Venerada “sağ qalan” metal hissələr alimləri təəccübləndirdi
1978-ci ildə Veneraya göndərilən və planetin ekstremal temperaturuna tab gətirən ABŞ zondunun metal qalıqları hələ də ilkin formasını qoruyub saxlaya bilər.
24Xeber.az xəbər verir ki, “Scientific American” nəşrinin paylaşdığı yeni araşdırma bu mövzuya həsr olunub.
Tədqiqat müəllifləri Veneranın səthindəki yüksək temperatur və təzyiqə baxmayaraq, bəzi möhkəm metal hissələrin tamamilə məhv olmadığını ehtimal edirlər.
Söhbət NASA-nın Veneraya göndərdiyi zondlardan birinin eniş modulunun qalıqlarından gedir. Alimlərin fikrincə, planetin sərt şəraiti elektron sistemləri sıradan çıxarsa da, müəyyən metal konstruksiyalar uzun müddət öz formasını saxlaya bilər.
Araşdırmada qeyd olunur ki, Veneranın səthində temperatur təxminən 460 dərəcəyə çatır və atmosfer təzyiqi Yer göstəricisindən onlarla dəfə yüksəkdir. Buna baxmayaraq, bəzi metal ərintilərinin bu şəraitdə tamamilə dağılması üçün çox uzun zaman tələb oluna bilər.
