“F-47” qırıcısının ilk uçuşunun tarixi açıqlandı

ABŞ Silahlı Qüvvələri altıncı nəsil “F-47” qırıcısının sürətləndirilmiş şəkildə hazırlanmasını prioritet istiqamət kimi müəyyənləşdirib. Məqsəd prototipin ilk uçuşunun 2028-ci ildə həyata keçirilməsidir.

24Xeber.az  xəbər verir ki, bu barədə Ağ Evin Konqresə təqdim etdiyi ABŞ-nin 2027-ci maliyyə ili üçün hərbi büdcə layihəsində qeyd olunur.

Sənəddə bildirilir ki, 2027-ci il üçün büdcə sorğusunda 2028-ci ildə ilk uçuşunu reallaşdırmalı olan “F-47” qırıcısının operativ hazırlanması və istehsalına xüsusi diqqət ayrılması davam etdiriləcək.

Məlumata görə, “F-47” qırıcısının uçuş mənzili 1 000 dəniz milindən (1852 km) çox ola bilər ki, bu da əvvəlki modellərlə müqayisədə xeyli yüksək göstəricidir.