Səudiyyə Ərəbistanı Hörmüz boğazı ilə bağlı təkliflərə düzəlişlər edib

Səudiyyə Ərəbistanı Hörmüz boğazında gəmilərin hərəkəti ilə bağlı İran və Oman tərəfindən irəli sürülən təklifə öz düzəlişlərini edib.

24Xeber.az xəbər verir ki, bu barədə “Axios” nəşri müxbir Barak Ravid Fars körfəzi ölkələrindən birinin yüksəkvəzifəli nümayəndəsinə istinadən “X” sosial şəbəkəsində məlumat paylaşıb.

Jurnalistin sözlərinə görə, bu dəyişikliklər təklif olunan mətnin boğazda yeni status-kvo yarada biləcəyi ilə bağlı narahatlıqlardan irəli gəlib. Ravid vurğulayıb ki, belə bir hal həm Səudiyyə Ərəbistanı, həm də digər Körfəz dövlətləri üçün qəbuledilməz olardı.

Bundan əvvəl Oman və İranın Hörmüz boğazındakı dəniz marşrutu üzrə yekun razılığa gəldiyi bildirilirdi. Vəziyyətlə tanış olan mənbənin bildirdiyinə görə, Tehran və Maskat arasında əldə olunan bu razılaşma tezliklə Fars körfəzi ölkələrinin xarici işlər nazirlərinin iştirakı ilə ictimaiyyətə açıqlanacaq.

Sentyabrın 6-da İranın Ali Milli Təhlükəsizlik Şurasının katibi, general-mayor Möhsün Rezayi sözügedən marşrutun gəmiçilik üçün tamamilə bağlandığını bəyan etmişdi. Onun sözlərinə əsasən, İran hərbçiləri Hörmüz boğazından keçməyə cəhd edən və qaçaqmalçılıq yolu ilə neft daşıyan ABŞ gəmilərini atəşə tutur, lakin regionun ekologiyasına zərər vurmamaq məqsədilə onları batırmır