Şəmkirdə dörd kənd qazsız qalacaq
Sabah saat 10:00-dan etibarən Şəmkir rayonunun Könüllü, Abbaslı, Seyfəli və Mehrli kəndlərinin qaz təchizatında müvəqqəti fasilə yaranacaq.
24Xeber.az xəbər verir ki, bu barədə Şəmkir Regional Qaz İstismar İdarəsi məlumat yayıb.
Bildirilib ki, qaz təchizatının dayandırılması abonentlərin fasiləsiz və dayanıqlı qazla təmin olunması üçün görüləcək işlərin icrası ilə əlaqədardır. Qaz təchizatı işlər başa çatdıqdan sonra bərpa ediləcək.
