Həftənin oyunçusu müəyyənləşdi
“Real Madrid”in yarımmüdafiəçisi Federiko Valverde UEFA Çempionlar Liqasında həftənin oyunçusu seçilib.
Olkemedia xəbər verir ki, bu barədə turnirin mətbuat xidməti “X” sosial şəbəkəsindəki səhifəsində məlumat yayıb.
Uruqvaylı futbolçu 1/8 finalın ilk oyununda “Mançester Siti”nin qapısına üç qol vurub. Valverde səsvermədə “Atletiko Madrid”in hücumçusu Xulian Alvaresi, PSJ-nin vingeri Xviça Kvarasxeliyanı və “Bavariya”nın futbolçusu Maykl Oliseni qabaqlayıb.
