Kürdəmirdə yol qəzası olub, piyada yaralanıb
Kürdəmirdə yol qəzası olub, piyada xəsarət alıb.
24xeber.az APA-nın yerli bürosunun xəbərinə istinadən bildirir ki, rayonunun Qağacılı kənd sakini, 1970-ci il təvəllüdlü Ədalət Adil oğlu Həmidovun idarə etdiyi “Toyota” markalı avtomobillə Şilyan kənd sakini, 1988-ci il təvəllüdlü Rəşadət Vidadi oğlu Məmmədovun idarə etdiyi “VAZ-21099” markalı avtomobil toqquşub.
Toqquşmadan sonra “VAZ-21099” markalı avtomobil piyada, rayonun Şahsevən kənd sakini, 1964-cü il təvəllüdlü Fəzilə Həkimağa qızı Səlimovanı vurub. Ağır xəsarət alan F. Səlimova paytaxt xəstəxanasına aparılıb.
Fakt araşdırılır.
