Prezident İlham Əliyev: “Vaşinqtonda baş verən atışma məni dərindən sarsıdıb”
“Vaşinqtonda keçirilən Ağ Ev Müxbirləri Assosiasiyasının şam yeməyində baş verən atışma məni dərindən sarsıdıb”.
24Xeber.az xəbər verir ki, bu barədə Azərbaycan Prezidenti İlham Əliyev “X” sosial şəbəkə hesabında “Washington Hilton” hotelində ABŞ Prezidenti Donald Trampın iştirak etdiyi Ağ Evin nəzdindəki Müxbirlər Assosiasiyasının tədbiri zamanı baş vermiş silahlı hücumla bağlı paylaşımında yazıb.
“Bu cür zorakılıq aktları qəbuledilməzdir və qəti şəkildə pislənməlidir. Prezident Trampın, birinci xanımın və iştirak edənlərin təhlükəsizlikdə olması sevindirici haldır. Onlara davamlı təhlükəsizlik və əmin-amanlıq arzulayıram” , – deyə dövlət başçısı vurğulayıb.
